Ateneo PolSci Bloggers

AHAS GALING SA BAUL… NGA BA?

In Elections, History, Philippine Issues, Politics on December 5, 2009 at 2:15 am
(o kung papaano natin dapat tanawin ang balita ng deklarasyon ng pamahalaang Arroyo ng Batas Militar sa Maguindanao)
ni Hansley A. Juliano

Hindi nilikha ang sulating ito upang magbigay ng kasagutan, kundi upang ilatag ang mga tanong na dapat nating bantayan ang sagot.

Una, sinasabi sa ngayon ng GMA7 News na hindi raw totoo ang balitang ito batay sa pahayag ni Press Secretary Cerge Remonde, nguni’t marahil dapat pa rin nating isulat para alam natin kung paano ba talaga marapat tanawin ang paggamit sa Batas Militar sa ating panahon. Iminumungkahi kong kung tinatamad kayo magbasa, laktawan ang mga block quote.

Nabalita lamang ito kamakailan, sa pamamagitan ng ABS-CBN News, na nilagdaan ni Pangulong Gloria Macapagal-Arroyo nitong gabi ng Disyembre 2 ang kautusang naglalagay sa lalawigan ng Maguindanao sa ilalim ng Batas Militar. Maaari nating sabihing ang trigger sa sitwasyong ito ay ang mga balitang sumambulat kaninang umaga, na ibinabahagi ng Philippine Star:

Amid reports that martial law will be imposed today in Maguindanao, government forces raided several homes of the Ampatuan clan, seizing weapons and ammunition that police said were enough to arm an entire battalion.

On Thursday, military and police teams raided the mansion of Datu Unsay Mayor Andal Ampatuan Jr., principal suspect in the Nov. 23 massacre in Maguindanao, seizing several high-powered guns and stockpiles of ammunition hidden in a compartment under a concrete stairway of the house.

The searches went on until yesterday when the raiding teams uncovered more than 260 boxes of ammunition of assorted calibers, 22 assault rifles, customized sniper rifles, handguns and various gun accessories that were buried in a vacant lot adjacent to the houses of Autonomous Region in Muslim Mindanao (ARMM) Gov. Zaldy Ampatuan and his father, former Maguindanao Gov. Andal Ampatuan Sr.

Philippine National Police (PNP) chief Director General Jesus Verzosa said the number of firearms seized was enough to arm 1,000 troops, or a battalion of soldiers or policemen.

Some of the weapons and crates of ammunition uncovered bore “government arsenal” markings as well as the name of its manufacturer, Arms Corp. of the Philippines (Armscor), with the manufacture date stamped October 2008.

Lawmen also unearthed gun replacement parts and several military uniforms at the site about the size of a basketball court.

Verzosa said the search for more weapons is continuing.

ANG SITWASYON: nakatagpo ng lehitimong ebidensya ng mga private army ng mga Ampatuan, na siyang maysala sa naganap na mga pamamaslang sa Maguindanao noong Nobyembre 23. Diumano’y kailangan ng malakas na sangay tagapagpaganap upang madisarmahan ang lahat ng ito. Dulot nito, kailangan maglatag ng Batas Militar sa Maguindanao.

Marahil maraming mga mambabasa, sa pagkarinig sa pariralang “naglalagay… sa ilalim ng Batas Militar,” ang posibleng mabigla, magalit, o MAGWALA sa potensyal na ang deklarasyong ito ay kumalat sa iba pang lalawigan, o maski sa buong bansa. Kasabay ng katotohanang tatakbo si Pangulong Arroyo sa pagka-Kinatawan ng Pampanga, marahil mayroon nang naghaharaya na patungo na ito sa posibleng PAX (o mas okey sigurong BELLA) GLORIA. O sa maikli’t kolokyal na salita, “ARROYO FOREVER!”

Maski ako ay nabigla at napaisip na pwede na natin sigurong ipapatay ang Pangulong ito. Nguni’t baka naman nagiging OA tayo.

Kalikutin natin ang balita mula sa ABS-CBN:

While martial law is in effect, Lt. Gen. Raymundo Ferrer, armed forces Eastern Mindanao commander, will take over from Maguindanao Gov. Andal Ampatuan Sr., one of the suspects in the massacre, as the provincial military governor.

Asked to comment on the report, Presidential Adviser on Mindanao Affairs Jesus Dureza said: “I’ll get back to you if there’s definite word… Usually, martial law declaration is not announced until action starts on the ground. Otherwise, the purpose and objective is lost…”

Mapupuna mo nang malabung-malabo ang sirkumstansiya o mga pumapalibot na kaganapan sa paglikha nito. Magdududa ka na sa simula pa lang. Hindi na bago ang mga proklamasyong inihayag nang palihim a sa ilalim ng gabi sa rehimeng ito; tandaan ang ilang mga executive order na bigla na lang gumulantang sa ating mga dyaryo pagdating ng umaga. Tandaan ding nagngalit tayo sa paglaban sa Con-Ass na nilakad ng mga Kinatawan nang malapit nang pumalo ang hatinggabi. Marapat ding tandaang MAY STATE OF EMERGENCY SA MAGUINDANAO, SAMAKATUWID HAWAK NA MISMO NG PANGULO ANG PAMAMAHALA DITO. May predisposisyon na tayong paghinalaan at labanan ang anumang sabihin ng pamahalaan dahil napaso na tayo, lagi tayong niloloko, SAWA NA TAYO.

PERO BAKA EMOSYONAL LANG TAYO. Emosyonal dahil nais talaga nating malaman ang buong detalye, dahil pampublikong usapin ito at hindi dapat isinasapribado ang impormasyon.

Batay sa mga probisyon ng Saligang Batas ng 1987:

Section 18. The President shall be the Commander-in-Chief of all armed forces of the Philippines and whenever it becomes necessary, he may call out such armed forces to prevent or suppress lawless violence, invasion or rebellion. In case of invasion or rebellion, when the public safety requires it, he may, for a period not exceeding sixty days, suspend the privilege of the writ of habeas corpus or place the Philippines or any part thereof under martial law. Within forty-eight hours from the proclamation of martial law or the suspension of the privilege of the writ of habeas corpus, the President shall submit a report in person or in writing to the Congress. The Congress, voting jointly, by a vote of at least a majority of all its Members in regular or special session, may revoke such proclamation or suspension, which revocation shall not be set aside by the President. Upon the initiative of the President, the Congress may, in the same manner, extend such proclamation or suspension for a period to be determined by the Congress, if the invasion or rebellion shall persist and public safety requires it.

The Congress, if not in session, shall, within twenty-four hours following such proclamation or suspension, convene in accordance with its rules without need of a call.

The Supreme Court may review, in an appropriate proceeding filed by any citizen, the sufficiency of the factual basis of the proclamation of martial law or the suspension of the privilege of the writ or the extension thereof, and must its decision thereon within thirty days from its filing.

Kung paiikliin natin ang sinasabi nito, marapat raw na sa loob 48 na oras pagkadeklara ng Batas Militar ay mapagdesisyunan na ng Kongreso kung pahihintulutan o pipigilin ang pag-iral ng Batas Militar. Kung pigili’y hindi ito puwedeng suwayin ng Pangulo, nguni’t kung pahintuluta’y nasa pasya ng Kongreso kung patatagalin o paiikliin. Kung babalikan natin ang sinabi ni Tagapagsalita ng Kapulungan Prospero Nograles mula sa balita ng ABS-CBN News:

Nograles said: “Martial law can be impractical at this time as it requires the approval of Congress, which will most likely have difficulty mustering a quorum due to the holidays and the election season. Even if we have a quorum, I don’t think our senators and congressmen will favor this because it will certainly cause public uproar which can endanger their reelection bid.”

“A limited state of emergency in Maguindanao and nearby provinces is sufficient to address the problem related to the Maguindanao massacre,” he added.

Lumalabas, masyadong problematiko kung pagpapasyahan ng Kongreso ito diumano sa panahon ng halalan. Nguni’t hindi marahil malayong isipin na nagpapalusot lamang ang mga Kongresistang ito dahil ayaw na nila maabala, at papabayaan na lamang na naman nila ang bayang hindi nila pinaglilingkuran. Subali’t tandaang tila wala ring alternatibong chain of command na maaaring sumalo sakaling hindi nga makapagpulong ang Kapulungan ng mga Kinatawan. Samakatuwid, MAY PROBLEMA RING KONSTITUSYONAL. Nguni’t hintayin natin ang pasya ng mga may kaalaman sa batas konstitusyonal, katulad ni P. Joaquin Bernas, S.J.

Ang pangunahing dapat nating gawin ay hindi ang magwala sa terminong BATAS MILITAR na para bang isang multo, kundi magtanong kung HINDI BA TALAGA SUKAT PA ANG ISANG STATE OF EMERGENCY? Hindi ba maaaring maglatag at mag-organisa na lamang ng Komisyong Tagapamahala ng mga may kakayanan sa public administration na walang kiling partisano, at hindi na gumamit ng puwersa ng armas? Kung sasabihing OA ANG MAMAMAYAN MAG-REACT, HINDI BA MAS OA ANG SOLUSYONG ITO?

At magtataka ka: ang pinaglilinis ng kalat na ito ay ang mismong institusyong maysala dito: ANG SANDATAHANG LAKAS. Kung lumalabas na parehong maysala sa sabwatan ang mga Ampatuan at ang Sandatahang Lakas, bakit hindi sila parehong patawan ng naglilimita ng kapangyarihan?

Nguni’t muli, ako’y nagtatanong lamang para sa isang sambayanang nilubog sa kamangmangan sa batas.

Sa isang kalagayan na naglalabo-labo ang mga probisyon ng batas sa ganitong pagkakataon, hindi madaling maglatag ng pasya. Ito lamang ang alam natin: KAILANGAN MAWASAK ANG MGA PRIVATE ARMY. KAILANGAN MAWALA ANG ISANG SISTEMANG SULTANISTIKO. Pero kahina-hinala na isang di-demokratikong solusyon ang sagot sa isang di-demokratikong problema. Ang ating dapat gawin: MAGHINTAY, MAGBANTAY, UMUNAWA.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: